Источник: Қарағанды облысының әкімдігі Қарағандыда керамикалық бұйымдар өндіретін зауыт құрылысы жүзеге асырылуда. Мұнда фасадтарға арналған премиум санаттағы клинкер плиткасы шығарылады, деп хабарлайды Naizanews.kz.
Кәсіпорынның жылдық қуаты 1 млн шаршы метрге дейін жетеді. Өнім ішкі нарыққа да, экспортқа да бағытталады. Жоба аясында шамамен 170 жұмыс орны ашылады деп күтілуде.
Жоба компанияның өз қаражаты есебінен және Қазақстанның Даму банкі қолдауымен қаржыландырылуда. Құрылыс барысымен облыс әкімі Ермағанбет Бөлекпаев танысты.
Қазіргі уақытта жабдықтарды орнату жұмыстары жүргізілуде, зауытты іске қосу биылға жоспарланған. Өндіріс дайын инфрақұрылымның арқасында табиғи газбен жұмыс істейді.
