Дерек көзі: Степногорск қаласының әкімдігі Бүгін, 2026 жылғы 11 сәуірде Степногорск қаласында қала әкімдігі мен қала кәсіпорындарының ұйымдастыруымен «Таза Қазақстан» республикалық ауқымды экологиялық акциясы өтті.
Аталған акцияға 7 мыңнан астам адам қатысты. Олардың қатарында ірі өнеркәсіптік кәсіпорындардың қызметкерлері, кәсіпкерлер, сондай-ақ өңірдегі мемлекеттік және бюджеттік ұйымдардың 500-ге жуық өкілдері бар. Қаланың аумағын тазарту жұмыстарына 100-ге жуық арнайы техника жұмылдырылды.
- Қаланың жетекші кәсіпорындары тазалық жұмыстарына белсенді қатысты, олардың ішінде:
• Степногорск тау-кен химия комбинаты (ЖШС «СГХК»);
• «АК Алтыналмас» АҚ;
• «ЕПК Степногорск» АҚ (Степногорск подшипник зауыты);
• «Целингормаш» ЖШС;
• «Astana-Nan» ЖШС;
• «Астана-Ойл» Мұнай үйі ЖШС;
• «Sareco» ЖШС;
• «Прогресс-Агро» ЖШС;
• «Қазақстан жылыжай технологиялары» ЖШС.
Сонымен қатар, көпқабатты тұрғын үйлерді басқару нысандары — МИБ (мүлік иелерінің бірлестігі) және ПИК (пәтер иелері кооперативі) өкілдері де акцияға белсенді қатысып, аула аумақтарын тазалау жұмыстарын жүргізді.
Жүргізілген жұмыстардың нәтижесінде 2 500 текше метрден астам қоқыс шығарылды. Ауқымды экологиялық акция қаланың санитарлық жағдайын жақсартуға елеулі үлес қосып, мемлекет, бизнес және тұрғындардың экология мен абаттандыру мәселелеріндегі бірлескен жұмысының жарқын үлгісіне айналды.
Қала әкімдігі барлық қатысушылардың жоғары белсенділігін атап өтіп, кәсіпорындар мен тұрғындарға экологиялық мәдениетті қалыптастыруға қосқан үлесі үшін алғыс білдірді.
Осындай акцияларды өткізу экологиялық жауапкершілікті арттыруға, қоршаған ортаға ұқыпты қарауды қалыптастыруға және қала тұрғындарының өмір сүру сапасын жақсартуға ықпал етеді.