Энергетика министрлігі зияткерлік технологияларды енгізу үшін энергообъектілерді бағалады
Дерек көзі: Freepik
- «Энергетикалық және коммуналдық секторларды жаңғырту» ұлттық жобасы аясында Энергетика министрлігі елдегі энергообъектілерде технологиялық процестерді басқару жүйелерінің жай-күйіне бағалау жүргізді.
-
- Қолданыстағы жүйелердің цифрлық жетілу деңгейі талданып, технологиялық және ақпараттық тәуекелдер анықталды, жасанды интеллект технологияларын пайдалана отырып кезең-кезеңімен жаңғырту бағыттары белгіленді. Атап айтқанда, ИИ-ді параметрлерді зияткерлік мониторингтеу, жабдықтардың істен шығуын болжау, жұмыс режимдерін оңтайландыру және энергиямен жабдықтау сенімділігін арттыру үшін қолдану қарастырылуда.
-
- Сондай-ақ диспетчерлік басқару жүйелерінде және кибертұрақтылықты қамтамасыз ету бағытында үлкен деректерді талдау мен машиналық оқыту алгоритмдерін енгізу мүмкіндіктері зерделенді.
-
- Ведомство мәліметінше, бағалау нәтижелері басқару жүйелерін жаңғыртуға арналған бірыңғай техникалық талаптарды қалыптастыруға және энергетика кешенінде зияткерлік шешімдерді кең ауқымда енгізуге негіз болады. Бұл апаттылық деңгейін төмендетуге, объектілерді пайдалану тиімділігін арттыруға және саланың цифрлық инфрақұрылымын дамытуға мүмкіндік береді.