Ұлттық қорғаныс университеті Назарбаевтың есімінен айырылуы мүмкін
Дерек көзі: Министерство обороны РК
- Қорғаныс министрлігі Елбасы – Тұңғыш Президенттің атымен аталған Ұлттық қорғаныс университетін қайта атауды ұсынды. Жарлық жобасына сәйкес, оқу орнының атауынан Нұрсұлтан Назарбаевтың есімі алынып тасталмақ.
Егер өзгеріс мақұлданса, университеттің жаңа атауы — «Қазақстан Республикасы Ұлттық қорғаныс университеті» болады. Қоғамдық талқылау 18 шілдеге дейін «Ашық НҚА» порталында жалғасады.
Айта кетейік, былтыр университет аумағынан Назарбаевтың ескерткіші алынып тасталған еді. Ал 2022 жылы Конституциялық референдумнан кейін Елбасы мәртебесі жойылып, елімізде Тұңғыш Президенттің атымен аталған нысандарды қайта атау процесі басталған болатын.