Қазақстан өңірлерінде су тасқынына қарсы шаралар жалғасуда
Дерек көзі: Қазақстан Республикасы Төтенше жағдайлар министрлігі
- Қазақстан өңірлерінде көктемгі су тасқынына дайындық бойынша жоспарлы жұмыстар жүргізіліп жатыр. Бұл шаралар елді мекендерді су басу қаупін азайтуға бағытталған.
-
- ҚР Төтенше жағдайлар министрлігінің мәліметінше, Шығыс Қазақстан облысында автожолдарды қардан тазалау, су бұру арналары мен арықтарды ашу, су өткізгіш құбырларды тазалау жұмыстары атқарылуда. Күршім және Тарбағатай аудандарында бірқатар автожолдардағы құбырлар тазартылды. Өскемен қаласында су тасқыны қаупі бар 11 учаске анықталып, Үлбі өзенінің жағалауын нығайту және арық жүйесін бекіту жұмыстары жүргізілуде.
-
- Жетісу облысында өзен арналарының түбін тазалау және тереңдету, бөгеттерді жөндеу, су бұру каналдарын салу бойынша кешенді шаралар жүзеге асырылуда. Қаратал ауданында Қаратал өзенінде жұмыстар жалғасып жатыр, бұл Тастөбе мен Қаражиде ауылдарын су басу қаупін төмендетуге мүмкіндік береді. Сонымен қатар су деңгейіне тұрақты мониторинг жүргізілуде.
-
- Батыс Қазақстан облысында инженерлік жоспар аясында 35 іс-шара көзделген, олардың басым бөлігі орындалды. Бөгеттер салынды және нығайтылды, өзен арналары кеңейтілді, су өткізгіш құбырлар мен тәулік бойы су деңгейін бақылауға арналған автоматтандырылған гидробекеттер орнатылды. Орал қаласында Жайық өзенінің жағалауын бекіту жұмыстары жалғасуда.
-
- Павлодар облысында 22 су тасқынына қарсы іс-шара жоспарланған. Қорғаныс бөгеттері салынды және нығайтылды, гидромелиорациялық жүйелер қайта жаңғыртылды. Бұл жұмыстар 17 елді мекенді, соның ішінде Рождественка ауылын су басу қаупін азайтуға мүмкіндік береді. Су тасқыны жағдайын бағалау үшін ТЖД және «Қазгидромет» мамандарының бірлескен тексерулері жүргізілуде.