Қазақстаннан Қытайға теміржол арқылы шамамен 1 770 тонна зығыр тұқымы жеткізілді
Дерек көзі: Қазақстан Республикасы Ауыл шаруашылығы министрлігі
- Қазақстаннан Қытайдың Нинся-Хуэй автономиялық ауданының әкімшілік орталығы Иньчуань қаласына «Қытай – Орталық Азия» бағыты бойынша теміржол көлігімен 1 767 тонна зығыр тұқымы жеткізілді.
-
- Хоргос шекаралық өткізу пункті арқылы өткеннен кейін жүк бондтық режимде Иньчуань теміржол логистикалық орталығының оңтүстік жүк паркіне қабылданып, одан әрі автокөлікпен шикізатты өңдеу жоспарланған кешенді бондтық аймаққа жедел жеткізілді.
-
- Өндірілетін зығыр майы Иньчуань қаласының және оған іргелес аумақтардың нарықтарында сатылатын болады. Нинся-Хуэй автономиялық ауданы Қытайда зығыр тұқымын өңдеу мен тұтыну бойынша негізгі өңірлердің бірі саналады.
-
- Сала өкілдерінің бағалауынша, Қытай мен Орталық Азия елдері арасындағы теміржол бағыттарының іске қосылуы жеткізу мерзімдерін едәуір қысқартуға, логистикалық шығындарды азайтуға және агроөнеркәсіп кешені кәсіпорындарын шикізатпен тұрақты қамтамасыз етуге мүмкіндік берді.