Дерек көзі: ЖИ көмегімен жасалған Бейжің қаласында Қазақстанның ресми делегациясы Халықаралық медиация ұйымын құру туралы конвенцияға қол қойды, деп хабарлайды NaizaNews.kz ҚР Мәдениет және ақпарат министрлігіне сілтеме жасап.
Құжат қазақстандық медиаторлар үшін қосымша мүмкіндіктер ашады. Ол халықаралық кәсіби байланыстарды кеңейтуге, тәжірибе алмасуға, әлемдік озық тәжірибені меңгеруге және мамандардың біліктілігін арттыруға ықпал етеді.
Конвенция дауларды реттеудің заманауи тәсілдерін енгізуге бағытталған. Сондай-ақ трансшекаралық дауларды шешу тетіктерін жетілдіруге және Қазақстандағы медиация институтын одан әрі дамытуға мүмкіндік береді.
Құжатқа қол қою елдің дауларды баламалы түрде шешу саласындағы халықаралық ынтымақтастығын нығайту жолындағы тағы бір қадам болмақ. Сонымен қатар конвенция диалог мәдениетін дамытуға және жанжалдарды бейбіт жолмен реттеу тәжірибесін кеңейтуге ықпал етеді.
Алдағы уақытта министрлік мүдделі мемлекеттік органдармен бірлесіп, Қазақстан Республикасының заңнамасына сәйкес конвенцияны ратификациялау бойынша қажетті ішкі мемлекеттік рәсімдерді жүргізеді.
Медиация институтын дамыту және осы саладағы халықаралық ынтымақтастықты кеңейту жұмыстары жалғасады.
Бүгінде конвенцияға 45 мемлекет қол қойған.