Источник: Қазақстан Республикасы Ғылым және жоғары білім министрлігі ҚР Ғылым және жоғары білім министрі Саясат Нұрбек Lightspeed Venture Partners венчурлік қорының серіктестерімен кездесті, деп хабарлайды NaizaNews.kz ҚР Ғылым және жоғары білім министрлігіне сілтеме жасап.
Кездесу барысында тараптар технологиялық инновациялар мен жоғары білім беру салаларындағы ынтымақтастықтың перспективаларын, сондай-ақ бірлескен жобаларды іске асыру тетіктерін талқылады.
Министр қор өкілдерін Қазақстандағы ғылым мен жоғары білім саласының негізгі басымдықтарымен таныстырды. Атап айтқанда, нысаналы білім беру гранттары, халықаралық Astana Hub стартаптар технопаркінің қызметі және жастардың жасанды интеллект саласындағы құзыреттерін дамытуға бағытталған мемлекеттік қолдау шаралары туралы айтты.
Өз кезегінде Lightspeed Venture Partners өкілдері қордың қызметі, серіктес елдерінің географиясы және әлемдік нарықтағы негізгі бағыттары туралы ақпарат берді. Сондай-ақ олар Қазақстанның жоғары даму қарқынын атап өтіп, ынтымақтастықты одан әрі нығайтуға қызығушылық білдірді.
Кездесу қорытындысында тараптар әріптестікті дамытуға дайын екендіктерін жеткізді. Lightspeed Venture Partners өкілдері Қазақстанды халықаралық ынтымақтастыққа ашық мемлекет әрі жасанды интеллект технологияларын дамыту мен енгізуге перспективалы алаң ретінде бағалады.