БҚО-да көктемгі су тасқынына байланысты суару жүйелері дайындалуда
Дерек көзі: Қазақстан Республикасы Су ресурстары және ирригация министрлігі
- «Қазсушар» РМК-ның Батыс Қазақстан филиалы Жайық өзені бассейніндегі гидротехникалық нысандарды су тасқыны кезеңіне дайындау бойынша кешенді жұмыстар жүргізуде. Облыстың бес ауданындағы 87 елді мекенді сумен қамтамасыз ететін Орал–Көшім суару және суландыру жүйесінің су қоймалары каскадында қажетті резерв қалыптастырылған — олардың толу деңгейі жобалық көлемнің 52%-ын құрайды.
-
- Су ресурстары және ирригация министрлігінің мәліметінше, Шаған өзеніндегі су қоймасында да бос сыйымдылық қамтамасыз етілген, ол транзиттік режимде жұмыс істейді. Үлкен және Кіші Өзен өзендеріндегі су қоймаларында резерв жобалық сыйымдылықтың 43%-ын құрайды.
-
- 2025 жылы су тасқынын қауіпсіз өткізу үшін мамандар 20 гидротехникалық құрылысты жөндеп, 163,7 км каналға механикалық тазарту жұмыстарын жүргізді. Биыл 21 нысанды жаңарту және шамамен 297 км канал тазарту жоспарланып отыр.
-
- Сонымен қатар барлық нысандардың көктемгі маусымға дайындық паспорттары әзірленді, төрт гидротехникалық құрылысты тексеру жүргізілді және арнайы техника паркі жаңартылды. Ресейдің Орынбор, Саратов облыстары және Башқұртстан Республикасының су шаруашылығы қызметтерімен тұрақты өзара іс-қимыл қамтамасыз етілуде.