Халықаралық әйелдер күніне орай Денсаулық сақтау министрлігінде 30 әйел-медик марапатталды

• Қазақстанның Денсаулық сақтау министрлігінде Халықаралық әйелдер күніне орай әйел-медиктерді марапаттау салтанаты өтті. Салада еңбек етіп жүрген 30 әйел маманға құрметті марапаттар табысталды.
•  
• Бүгінде елдің денсаулық сақтау жүйесінде шамамен 280 мың маман жұмыс істейді. Олардың 70%-дан астамы — әйелдер: 56 мың дәрігер және шамамен 167 мың мейіргер.
•  

• «Бүгінде біздің әйелдер — жүйенің сенімді тірегі, жаңа бастамалардың көшбасшысы, медицина саласындағы кадрлардың жартысынан астамын құрайтын үлкен күш. Реформаларды табысты жүзеге асыру, азаматтардың денсаулығын жақсарту және профилактиканы күшейту — көп жағдайда сіздердің еңбектеріңіздің нәтижесі. Сіздердің кәсібиліктеріңіз бен іске адалдықтарыңыз бүкіл саланың тұрақтылығын қамтамасыз етеді».

•  
• Министр денсаулық сақтау саласын дамыту мемлекеттік саясаттың басым бағыттарының бірі болып қала беретінін атап өтті. Медициналық қызметкерлердің жалақысын арттыру, инфрақұрылымды жаңғырту, алғашқы медициналық-санитарлық көмекті дамыту және саланы цифрландыру бойынша шаралар жүзеге асырылып жатыр.
•  

• «Біздің басты мақсатымыз — әрбір азамат үшін медициналық көмекті қолжетімді әрі сапалы ету, балалар мен аналардың денсаулығын нығайту. Осы бағытта “Ана саулығы” және “Қазақстан балалары” бағдарламалары жүзеге асырылуда», — деді министр.

•  
• 2025 жылы алғаш рет жүктілікті жоспарлаған әйелдерге тегін кешенді тексеруден өтуге мүмкіндік беретін прегравидарлық дайындық жүйесі енгізілді. Сондай-ақ 100 мыңнан астам жүкті әйел «бір күндік клиника» форматында пренаталдық диагностикадан өтті.
•  
• Денсаулық сақтау министрлігінің мәліметінше, соңғы екі жылда Қазақстанда нәресте өлімі 20%-ға төмендеп, тарихи минимумға жетті. Бүгінде еліміз Орталық Азияда бұл көрсеткіш ең төмен мемлекеттердің қатарына кіреді.
•  
• Салтанатты рәсім барысында үздік қызметкерлерге «Еңбек ардагері» медалі мен «Денсаулық сақтау ісіне қосқан үлесі үшін» төсбелгісі табысталды.