Дерек көзі: Қазақстан Республикасы Ауыл шаруашылығы министрлігі Қазақстанға Нидерландтан 7 мыңнан астам алма телітуші жеткізілді, деп хабарлайды Naizanews.kz. Бұл жеткізілім вируссыз отырғызу материалын қалыптастыруға және өнім сапасын арттыруға бағытталған.
Іріктеу мен жеткізу халықаралық Naktuinbouw ұйымының ұсынымдары негізінде жүзеге асырылды. Елге M9, MM106, MM111, B9, M7, P16 және P22 сериялы телітушілер әкелінді.
Сонымен қатар отандық база да дамып келеді: зертханаларда in vitro әдісімен жергілікті селекцияның клондық формаларын қоса алғанда шамамен 3 мың өсімдік өсірілді.
Алматы облысында вируссыз телітушілер өсіретін базалық учаске құрылып, аналық-қалемшелік бақ қалыптастырылуда.
Сондай-ақ алма сорттарының ассортименті кеңейтіліп, жаңа және танымал түрлер сынақтан өтуде.