Источник: Қазақстан Республикасы Ғылым және жоғары білім министрлігі Қ. Жұбанов атындағы Ақтөбе өңірлік университетінің ғалымдары зиянды шығарындыларды ондаған есеге азайтатын газ тазарту технологиясын әзірледі, деп хабарлайды Naizanews.kz.
Шешім қазірдің өзінде Ақтөбе, Ақсу және Екібастұз қалаларындағы кәсіпорындарда, соның ішінде «Қазхром» зауыттарында қолданылып жатыр. Ақтөбе ферроқорытпа зауытында енгізілгеннен кейін шаң мен зиянды заттар көлемі шамамен 40 есеге қысқарған.
Технология сүзгілерді регенерациялаудың жаңа жүйесіне негізделген, бұл тазарту тиімділігін арттырып, жабдықтың қызмет ету мерзімін ұзартады.
Жоба импорттық шешімдерге отандық балама ретінде іске асырылып, 350 млн теңге көлемінде мемлекеттік грант алған.