Источник: Қазақстан Республикасы Еңбек және халықты әлеуметтік қорғау министрлігі Қазақстанда 2 453 әлеуметтік қызметкер біліктілігін ресми түрде растау рәсімінен өтті, деп хабарлайды Naizanews.kz.
Сертификаттау Әлеуметтік қорғау саласын дамыту ұлттық ғылыми орталығы базасында жүргізіліп, аттестациядан өту мен санат беру кезінде негізгі кезеңдердің бірі болып табылады.
Сонымен қатар әлеуметтік қызметкерлердің реестрі жұмыс істейді, ал Enbek.skills платформасында 12 мыңнан астам маман оқудан өткен. Курстар цифрландыру, кейс-менеджмент және инклюзивті тәсілдерді қамтиды.
Еңбек министрлігінің мәліметінше, бұл шаралар әлеуметтік қызметтердің сапасын арттыруға және халықаралық стандарттарға сәйкестікті қамтамасыз етуге бағытталған.