Источник: Қазақстан Республикасы Көлік министрлігі 2026 жылы Қазақстанда 11 мың шақырымнан астам автожолды салу, реконструкциялау және жөндеу жоспарланған. Оның ішінде шамамен 3,4 мың шақырымы жаңа жобалар мен қайта жаңғыртуға тиесілі.
Негізгі жобалардың бірі — ұзындығы 896 км болатын «Орталық – Батыс» бағыты. Ол елорданы батыс өңірлерімен байланыстырып, Транскаспий бағытына шығуды қамтамасыз етеді. Сондай-ақ «Бейнеу – Сексеуіл» және Жезқазған – Қарағанды жобалары іске асырылып, өңірлер арасындағы қашықтық айтарлықтай қысқарады.
Ірі жобалар қатарында Ақтөбе – Ұлғайсын және Атырау – Доссор жолдары, сондай-ақ Сарыағаш пен Қызылорда қалаларын айналып өтетін жол құрылыстары бар.
Көлік министрлігінің мәліметінше, жаңа жолдар қалалардағы жүктемені азайтып, қауіпсіздікті арттырып, елдің көлік байланысын нығайтады.