Источник: Қазақстан Республикасы Су ресурстары және ирригация министрлігі Қазақстанда заңсыз су пайдалану мен суды «қара нарықта» сатуға қарсы шаралар күшейтілуде. Бұл туралы Су ресурстары және ирригация министрлігі хабарлады.
Ведомство мәліметінше, 2025 жылы су ресурстарын өз бетінше пайдаланғаны үшін 365 айыппұл салынып, олардың жалпы сомасы 75,2 млн теңгені құрады. Сондай-ақ арнайы су пайдалану үшін шамамен 1500 рұқсат берілген. Кейбір жағдайларда келісімшартсыз су пайдалану және келісусіз су көп қажет ететін дақылдарға көшу деректері анықталған.
Бақылауды күшейту үшін бассейндік инспекциялар штаты екі есеге ұлғайтылып, 204 қызметкерге жетті. Олар дрондармен, арнайы техникамен және цифрлық мониторинг құралдарымен жабдықталған.
Сонымен қатар Бас прокуратура мен профильді министрлік 2026 жылға арналған жол картасын бекітті. Ол су ұрлығы мен заңсыз су пайдалануға қарсы күресті күшейтуге бағытталған.