Источник: Қазақстан Республикасы Ауыл шаруашылығы министрлігі Қазақстан БҰҰ-ның Азық-түлік және ауыл шаруашылығы ұйымының (ФАО) фитосанитариялық қауіпсіздік пен өсімдіктерді қорғау саласындағы халықаралық өзара іс-қимыл мәселелеріне арналған 20-сессиясына қатысты. Кездесуде ел атынан ҚР Ауыл шаруашылығы министрлігі Агроөнеркәсіптік кешендегі мемлекеттік инспекция комитеті төрағасының орынбасары Саят Сақмолдин сөз сөйледі.
Қатысушылар фитосанитариялық шаралардың халықаралық стандарттарын дамыту, сондай-ақ ауыл шаруашылығы өнімдерін қорғау және өсімдік өнімдерінің қауіпсіз саудасын қамтамасыз етуге арналған жаңа тәсілдерді талқылады.
Қазақстан өкілінің айтуынша, бұл саладағы халықаралық ынтымақтастық аграрлық сектордың тұрақтылығын нығайтуға, тәжірибе алмасуға және өсімдіктерді қорғаудың заманауи тәжірибелерін енгізуге мүмкіндік береді.
Сессия қорытындысы бойынша тараптар стандарттарды жетілдіру және өсімдіктер карантинінің жаһандық жүйесін дамыту бағытындағы бірлескен жұмысты жалғастыруға дайын екенін растады.