Источник: Қазақстан Республикасы Еңбек және халықты әлеуметтік қорғау министрлігі Қазақстанда 7 мың жұмысшыға 463,3 млн теңге көлеміндегі жалақы қарызы өтелді. Бұл еңбек инспекторлары жүргізген тексерулер мен қабылданған шаралардың нәтижесі болды, деп хабарлайды Naizanews.kz.
2026 жылғы 1 сәуірдегі жағдай бойынша 140 кәсіпорында 1,1 мыңнан астам қызметкер алдында 642 млн теңгеден астам қарыз анықталған.
Тексеру барысында еңбек құқықтарының 2 мыңнан астам бұзушылығы тіркелді. Кәсіпорын басшыларына 1 110 міндетті нұсқама беріліп, 136,5 млн теңгеден астам айыппұл салынды.
Жалпы инспекторлар 1 723 тексеру жүргізіп, нәтижесінде 17,5 мың жұмысшының құқығы қорғалды.
Билік өкілдері еңбек заңнамасының сақталуын бақылау басым бағыттардың бірі болып қала беретінін атап өтті.