Источник: Freepik Қазақстанда энергетика саласы үшін киберқауіпсіздік және жасанды интеллект мамандарын даярлау жоспарлануда, деп хабарлайды NAIZA NEWS ҚР Энергетика министрлігіне сілтеме жасап.
Цифрландыру жылы аясында «Энергетикада цифрландыру және жасанды интеллектті қолдану» атты кәсіби стандарт әзірленіп жатыр. Ол «ақылды» желілерді жобалаушылар, AI инженерлері және энергия жүйелерінің киберқауіпсіздік мамандары сияқты жаңа мамандықтардың пайда болуын көздейді.
Мамандарды даярлау Smart Grid — интеллектуалды желілер технологияларын дамытуға бағытталған. Болашақта мұндай жүйелер энергияны басқаруды ішінара автоматтандыруға мүмкіндік береді.
Ведомствоның мәліметінше, болашақ мамандар энергетика мен IT салаларын қатар меңгеруі тиіс, оның ішінде жасанды интеллект пен цифрлық платформалармен жұмыс істеу дағдылары қажет.
Бұған дейін салада жаңа «смарт-менеджер» мамандығы енгізілген, ол интеллектуалды шешімдерді енгізу және энергия жүйелерінің тиімділігін арттыруға жауап береді.