Источник: Freepik Алматыда қантты белгіленген бағамен сату басталды, деп хабарлайды NAIZA NEWS қала әкімдігіне сілтеме жасап. Тұтынушылар үшін ең жоғары баға — килограмына 445,5 теңгеден аспайды.
Жеткізілімдерді «Алматы» ӘКК әлеуметтік маңызы бар азық-түлік бағасын тұрақтандыру шаралары аясында жүзеге асыруда. Наурыз және сәуір айларында Small супермаркеттер желісіне 240 тонна қант жеткізілген — ай сайын 120 тоннадан.
Ритейлерлер үшін босату бағасы килограмына 405 теңгені құрайды, ал сауда үстемесі 10%-дан аспайды. Нәтижесінде соңғы баға белгіленген шектен жоғары болмайды.
Қант қала бойынша Small желісінің 36 дүкенінде қолжетімді. Жеткізілімдер отандық өндірушілерден алдын ала қалыптастырылған тұрақтандыру қоры есебінен қамтамасыз етілген.
Бағаны реттеу тетігі 2026 жылдың қарашасына дейін әрекет етеді және сұраныс артқан кезеңдерде тапшылықтың алдын алып, бағаның өсуін тежеуге бағытталған.