Источник: ҚР ТЖМ ҚР ТЖМ әскери бөлімдері су тасқыны қаупі бар өңірлерде алдын алу жұмыстарын жүргізді, деп хабарлайды NAIZA NEWS ведомствоға сілтеме жасап. Іс-шаралар Ақмола, Қарағанды, Қостанай, Шығыс Қазақстан, Солтүстік Қазақстан облыстары мен Абай облысын қамтыды.
Жұмыстарға 400-ден астам әскери қызметші мен 20-дан астам техника жұмылдырылды. Бір ай ішінде өзендер мен каналдардың 15 мың метрден астам арналары тазартылып, шамамен 1 мың тонна қар шығарылды, сондай-ақ 12 мыңға жуық инертті материал толтырылған қап төселді.
Сонымен қатар еріген қар суын сорып шығару және тұрғын аудандарды профилактикалық тексеру жұмыстары жүргізілді. ТЖМ мәліметінше, қабылданған шаралар су басу қаупін азайтуға мүмкіндік берген.
Солтүстік Қазақстан облысында су тасқыны қаупі сақталғандықтан, жұмыстар жалғасуда.