Источник: Қазақстан Республикасы Энергетика министрлігі Қазақстанда жылыту маусымы аяқталғаннан кейін жылу желілерін жөндеу және қайта жаңғырту бойынша ауқымды жұмыстар басталады, деп хабарлайды Naizanews.kz.
2026 жылы 377 км жылу желісін жаңарту жоспарланған, оның 130 км-і энергетиканы жаңғырту жөніндегі ұлттық жоба аясында іске асырылады. Негізгі назар тозу деңгейі жоғары өңірлерге — ШҚО, СҚО, Қарағанды, Маңғыстау және Павлодар облыстарына аударылады.
Энергетика министрлігінің мәліметінше, елдегі жылу желілерінің жалпы ұзындығы 13,4 мың км-ді құрайды. Өткен жылы 323 км желі жөнделіп, тозу деңгейі 52%-дан 50%-ға дейін төмендеген.
2029 жылға дейін Қазақстанда 1,6 мың км жылу желісін жаңартып, тозу деңгейін 42%-ға дейін азайту жоспарланған.