Источник: Қазақстан Республикасы Ауыл шаруашылығы министрлігі Қазақстан мен Бразилия агроөнеркәсіптік сектордағы ынтымақтастықты кеңейтуді жоспарлап отыр, деп хабарлайды NAIZA NEWS ҚР Ауыл шаруашылығы министрлігіне сілтеме жасап. Келіссөздер ауыл шаруашылығы вице-министрі Аманғали Бердалин мен Бразилия елшісінің қатысуымен өтті.
Негізгі назар мал шаруашылығын дамытуға, заманауи технологияларды енгізуге және ғылыми әріптестікті нығайтуға аударылды. Қазақстан тарапы салаға жылдық 6% мөлшерлемемен жеңілдетілген несие беру бағдарламасын таныстырды.
Сондай-ақ аграрлық ғылым саласындағы ынтымақтастыққа ерекше көңіл бөлінді. Оның ішінде тағылымдамалар, бірлескен зерттеулер және бразилиялық институттардың қатысуымен технология трансфері қарастырылған.
Кездесу қорытындысы бойынша тараптар бірлескен жобаларды жүзеге асыруға және әріптестікті одан әрі нығайтуға дайын екенін растады.