Источник: Қазақстан Республикасы Ауыл шаруашылығы министрлігі Қазақстандық ғалымдар мал шаруашылығындағы өнімнің өзіндік құнын төмендетуге мүмкіндік беретін жаңа құрама жем түрлерін әзірлеуде, деп хабарлайды Naizanews.kz.
Жоба Қайта өңдеу және тамақ өнеркәсібі қазақ ғылыми-зерттеу институтында жүзеге асырылуда. Негізінде мультибелокты шикізат, оның ішінде ет өңдеу қалдықтары — ет-сүйек және қан ұны, сондай-ақ гидролизаттар қолданылады.
Технология өндіріс процестерін оңтайландыруды және жануарлардың ас қорытуын жақсартып, ауру қаупін төмендететін пробиотиктер қосуды көздейді.
Әзірлеме мал өнімділігін арттырып, жемге кететін шығындарды азайтып, қайталама ресурстарды тиімді пайдалануға мүмкіндік береді.