Источник: Freepik Қарағанды облысының Үзенка кентінде электр желілерін қайта жаңғырту жұмыстары жалғасуда, деп хабарлайды NAIZA NEWS өңір әкімдігінің мәліметіне сілтеме жасап. Жоба электр қуатының үзілуін азайтуға және энергиямен қамту сапасын арттыруға бағытталған.
Қазіргі таңда жоғары кернеулі кабельдік желілер тартылып, сегіз жаңа трансформаторлық қосалқы станция орнатылған. Тарату желілерін монтаждау шамамен 40% орындалды. Жобаны 2026 жылдың шілде айында аяқтау жоспарланып отыр.
Сонымен қатар Қарағанды қаласында көшелерді жарықтандыру жүйесі жаңартылуда. Қаланың әртүрлі аудандарында шамамен 4 мың жаңа бағана орнату көзделген, жұмыстардың бір бөлігі қазірдің өзінде аяқталған.
Жаңғырту нәтижесінде энергиямен қамтудың сенімділігі артып, түнгі уақытта қауіпсіздік деңгейі жақсарады деп күтілуде.