Источник: Қазақстандық студент Будапешттегі халықаралық байқауда жүлдегер атанды Кентау көпсалалы колледжінің екінші курс студенті Рысхан Ақмарал Будапештте (Венгрия) өткен халықаралық жарыста үшінші орын алды.
Байқау халықаралық достық кездесу аясында «Кескіндеме және сәндік жұмыстар» құзыреттілігі бойынша өтті. Оған Венгрия, Италия, Чехия, Қазақстан және Ұлыбританиядан қатысушылар қатысты. Қатысушылар кәсіби шеберлігін, шығармашылық көзқарасын және дайындық деңгейін көрсетті.
Қазақстандық студент конкурстық тапсырмаларды сәтті орындап, қазылар алқасының жоғары бағасына ие болды. Бұған дейін Рысхан Ақмарал өңірлік және ұлттық чемпионаттардың жеңімпазы атанып, WorldSkills Kazakhstan 2025 байқауында алтын медаль алған.
Қазір студент алдағы ірі халықаралық жарыс — WorldSkills Shanghai 2026 чемпионатына дайындалып жатыр.