2026 жылы Skills Enbek платформасында 27 мыңнан астам қазақстандық онлайн-оқудан өтті
Источник: Қазақстан Республикасы Еңбек және халықты әлеуметтік қорғау министрлігі
- 2026 жылдың басынан бері Skills Enbek кәсіби оқыту платформасында онлайн-курстарды аяқтағаны туралы сертификатты 27,5 мың қазақстандық алды. Олардың ішінде 9,9 мың адам — жұмыссыз азаматтар. Платформада жалпы 1,2 млн-нан астам пайдаланушы тіркелген, оның 44,7 мыңы биыл қосылған.
-
- Оқыған жұмыссыздардың ішінде шамамен 2,4 мың адам 16 мен 35 жас аралығындағы жастар. Ең көп тыңдаушы Шымкент қаласында, сондай-ақ Ақтөбе, Түркістан және Қарағанды облыстарында тіркелген.
-
- Бүгінде платформада түрлі бағыттар бойынша 570 білім беру курсы орналастырылған, олардың 385-і тегін қолжетімді. Бағдарламаларды отандық авторлармен қатар Fluent Education және Яндекс Қазақстан секілді серіктестер әзірлеген. Оқу ұзақтығы 2 сағаттан 72 сағатқа дейін өзгереді.
-
- 2026 жылдың басында ең сұранысқа ие курстар қатарында «Кассир», «Қаржылық сауаттылық», «Жеке көмекшінің кәсіби курсы» және «Әлеуметтік жұмысқа кіріспе» бар.
-
- Skills Enbek платформасы білім беру маркетплейсі қағидаты бойынша құрылған және кәсіби дағдыларды дамытуға, үздіксіз білім алу тұжырымдамасын ілгерілетуге бағытталған. Пайдаланушылар оқу қарқынын және тілін өздері таңдай алады, оқу барысын бақылап, курстарды аяқтағаннан кейін бос жұмыс орындары бойынша ұсыныстар ала алады.