Источник: Dimashnews Братиславада өткен түркі мәдениеттерінің Silk Road Fest фестивалінде Димаш Құдайбергеннің шығармашылығы таныстырылды, деп хабарлайды NaizaNews.kz DimashNews порталына сілтеме жасап. Таныстырылымға әншінің словакиялық және чехиялық жанкүйерлері қатысты.
Фестиваль сегіз елдің өкілдерін біріктірді. Бағдарлама аясында түрлі халықтардың ұлттық музыкасы, дәстүрлері мен тағамдары таныстырылды.
Dears бірлескен стендінде қонақтар Димаш әндерінің аудармаларымен танысып, QR-кодтар арқылы оның музыкасын тыңдай алды. Сондай-ақ клавиатура арқылы әншінің вокалдық диапазоны көрнекі түрде көрсетілді. Балалар үшін қазақ және словак мәдениетіне арналған шығармашылық тапсырмалар ұйымдастырылды.
Словакиялық және чехиялық жанкүйерлер фестиваль сахнасында да өнер көрсетіп, Димаштың шығармашылығы туралы айтып, «Unforgettable Day» әнінің бір бөлігін орындады.
Шара соңында көрермендерге DIMENSIONS әлемдік туры және Димаштың алдағы Еуропадағы концерттері туралы ақпарат ұсынылды. Silk Road Fest фестивалін Kazan қазақ мейрамханасы ұйымдастырып, қонақтарға қазақтың дәстүрлі тағамдарын ұсынды.