Источник: Aqorda Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің отырысына қатысты.
Сөзінің басында Мемлекет басшысы Қырғызстан Президенті Садыр Жапаровқа және қырғыз халқына жылы қабылдауы мен саммитті жоғары деңгейде ұйымдастырғаны үшін алғыс білдірді. Тоқаев сондай-ақ Қырғызстан мен Өзбекстанды тәуелсіздіктің 35 жылдығымен құттықтады.
Президент ширек ғасыр ішінде ШЫҰ «Шанхай бестігінен» адамзаттың жартысына жуығын біріктіретін ірі халықаралық ұйымға айналғанын атап өтті.
Тоқаевтың айтуынша, бүгінде геосаяси бәсекелестік күшейіп, өзара сенім деңгейі төмендеген тұста ШЫҰ негізделген қағидаттардың маңызы ерекше.
«ШЫҰ әскери-саяси блоктар логикасынан тыс әрекет етеді және қандай да бір мемлекеттерге қарсы бағытталмаған. Ұйым мүлде басқа саяси философияға - прогресс жолындағы бірлескен жұмыс идеяларына негізделген «Шанхай рухына» сүйенеді. Біздің басты мақсатымыз - қуатты әрі өркендеген ШЫҰ қауымдастығын қалыптастыру», - деді Президент.