Источник: Куәгер түсірген видеодан алынған скриншот; сапасы ЖИ көмегімен жақсартылған. Астанада 17 тамызда тұрғын үйдің 22-қабатынан құлаған 22 жастағы қыздың қазасына қатысты тергеу жүріп жатыр, деп хабарлайды NaizaNews.kz Астана қаласының Полиция департаментіне сілтеме жасап.
Қайғылы оқиға Роза Бағланова көшесіндегі тұрғын үйде болған. Құқық қорғау органдарының алдын ала мәліметінше, қыз көпқабатты тұрғын үйдің терезесінен секіріп кеткен.
Астана қаласының Полиция департаменті оқиға бойынша суицид фактісіне қатысты қылмыстық іс қозғалғанын хабарлады.
«Құлау салдарынан алған жарақаттарынан қыз оқиға орнында көз жұмды. Қазіргі уақытта болған оқиғаның барлық мән-жайы анықталып жатыр», — деп түсіндірді Астана қаласының Полиция департаменті.
Оқиғаның басқа мән-жайлары әзірге жарияланған жоқ. Құқық қорғау органдары қайғылы жағдайдың барлық мән-жайын анықтап жатыр.