Источник: Aqorda Қазақстан Президенті Қасым-Жомарт Тоқаев жасанды интеллект саласындағы бірқатар білім беру бастамаларының іске қосылуына қатысты, деп хабарлайды Naizanews.kz.
Мемлекет басшысының тапсырмасымен 2024 жылы Astana Hub базасында Tomorrow School жасанды интеллект мектебі құрылған. Жоба тәжірибесі енді бүкіл ел бойынша кеңейтіліп, телемост форматында 14 өңірде мектептер желісі іске қосылды. Оқыту тегін әрі 18 жастан асқан азаматтарға, соның ішінде IT саласына жаңадан келгендерге қолжетімді болады.
Сондай-ақ 12–18 жас аралығындағы жасөспірімдерге арналған TUMO Astana креативті технологиялар орталығы ашылады. Мұнда генеративті ИИ, бағдарламалау, ойын әзірлеу, анимация, 3D-модельдеу, робототехника, кино және цифрлық музыка сияқты 11 бағыт бойынша білім беріледі.
Президентке Alem.ai базасында құрылатын AI Research University тұжырымдамасы таныстырылды. Министр Саясат Нұрбектің айтуынша, университет alem.cloud пен AlemLLM сияқты ұлттық AI-инфрақұрылымға қолжетімділік береді. Оқу 2026 жылғы 1 қыркүйекте басталады.
Сапар соңында Қасым-Жомарт Тоқаев Астанада 29 шілде мен 9 тамыз аралығында өтетін «Болашақ ойындары–2026» халықаралық турниріне кері санақты іске қосты.
